真係名不虛傳
有留意開米之蓮嘅朋友
就知道佢係澳門米之蓮三星嘅餐廳
一入門口你就會見到大大隻8 字
入面都係以中式裝修為主
牆上面係金魚嘅圖案
而走廊頭中間都有好多同水有關嘅裝飾
應該係寓意水為財卦😂😂😂
點完菜之後就會送上第一個餐廳為你準備嘅小食
連小食都係鮑魚真係唔野少👍🏽👍🏽👍🏽
係柚子啫喱配冰鎮鮑魚同炸網配豬肉三色椒
啫喱令到鮑魚口感冇咁溜之餘
仲能夠襯托出鮑魚嘅鮮味
第一道就係藍天使蝦金魚餃
一籠只有三隻盛為$72
不過我哋就叫多咗幾份因為我哋人數比較多
另一樣我非常之鍾意嘅係金網叉燒酥
又係好味到暈,撻皮鬆脆餡料豐富
河蝦肉鬆手袋酥
外非常之精緻
酥皮一咬即碎,差啲連夾上隻碟都會爛
不過味道就比較普通
冇辦法突出蝦同肉鬆嘅味道
呢個箭豬形叉燒包
淨係睇佢嘅手工已經值回票價
呢個係鮑魚蝦餃
鮑魚夠晒大隻又夠彈牙🎉🎉🎉
沒有留言:
張貼留言