美觀 = 好食？！

@billiebillieb 告訴我之後

終於搵到時間去啦

店舖而家係試業階段

只係有六隻味道

而且唔係每日都有齊六隻味

好似我去當曰就只有兩隻口味

雪糕筒係乜嘢顏色

就是要視乎你食嘅係乜嘢味

呢日我是嘅事火牛王同風牛牛

簡單啲講姐係朱古力味同薰衣草味

火牛王加埋個棉花糖真係超級大杯

不過個人就覺得同普通朱古力嘅軟雪糕冇乜分別

只不過係份量大杯左雪糕筒顏色比較特別

薰衣草味，上面就有蜂蜜窩夫，

雛菊威化，本來應該仲有液氮冷凍西柚，

不過店員就話冇晒西柚，叫我選擇其他生果

但係食落口其實只不過係普通嘅生果粒

根本就無所謂特別嘅處理

不過說過同樣顏色就真係非常特別

除咗有見到我食緊嘅橙色黃色

仲有黑色同埋藍色

不過就要講彩數

睇下你去到嘅嗰日有冇想要嘅味道同顏色啦！！

地址：放牛牛

尖沙咀麼地道32號地舖

搽得上面嘅補品

呢個係我近期非常愛嘅護膚品

唔好以為維他命C只可以食

用來搽上面一樣得

韓國生產嘅呢枝維他命C粉

可以用來混合每一樣嘅護膚品

包括眼霜，面霜，精華都一樣冇問題

包裝入邊會包埋一支小匙羹

只需要每次用一至兩小匙

倒上手

同護膚品混和一齊

就可以搽上面啦！

啲維他命C粉末，會好自然咁

同護膚品自然融合。

其實用嘅份量都係因人而異，

可以自己調教，

我個人就每次用一小匙都覺得好夠啦

其他用法亦都可以用於化妝水，

甚至乎部body lotion 亦得！

今次我就用左 Za 既restoring collagen cream 加埋維他命C，又有骨膠原又有維他命好補丫！

Glow by j 

UNIT 102,1/F TAK WAOO HOUSE,
17-19 D'AGUILAR STREET ,CENTRAL ,HONGKONG

心''花''怒放

我終於俾我食到呢個花花雪糕啦！😍😍😍😍

Ice cream flower to go 只可以算兩個味道，我選了vanilla + strawberry sorbet ，竟然出奇地夾！！實在太好味啦

地址：le cafe de Joel robuchon

海港城港威商場2樓2608號鋪

環遊世界朱古力甜品

訂咗三個星期嘅枱，先可以試到呢個

Godiva tea set , 不過去到先知原來

weekend同weekdays 嘅價錢差咁遠,

即刻有一種好似俾人呃咗嘅感覺

相差成＄200幾，

訂檯嘅時候服務員亦都無明確講明，

真心覺得有啲唔抵！

今次Godiva 嘅teaset , 

係以世界性作為主題，

每一道甜品都有世界各地唔同嘅特色

甜品款式包括比利時、中國、日本、非洲、美國及巴西

賣相亦非常之特別，特別選用一級級嘅tea set 架

先上嘅係朱古力碎英式鬆餅，有別於平時我哋食到嘅英式鬆餅，配上嘅係朱古力忌廉，一入口就有超濃厚嘅朱古力味。

Teaset 包括mango hot milk chocolate , classic hot chocolate ,earl grey hot chocolate drink 三款飲品俾你選擇

咸點有兩個分別係

朱古力BBQ汁迷你豬肉漢堡同

唂咕油浸吞拿魚意大利包，

BBQ朱古力汁估唔到又同豬肉幾夾

來自美國嘅焦糖牛奶朱古力餡餅，

最得我歡心

食落去唔會太過膩

焦糖份量剛剛好

飲品我選擇咗classic hot chocolate , 

口感非常幼滑，同Angelina 既hot chocolate 有得比！

Cafe 103 

尖沙咀Rita Carlton hotel 

Bom bom bom

呢期棉花糖同甜品呢個

配撘真系走唔開啦，

記得之前都有同大家講過

我系首爾飲過杯marshmallow green tea latte 

棉花糖好食之餘杯latte 仲好好飲

可以講系一試難忘

而呢種棉花糖亦已經傳到嚟香港

不過就系同甜品嘅配搭

今次呢個係綠茶棉花糖法式奶凍

奶凍上邊有朱古力同紅豆

其實除咗奶凍仲有好多其他特色甜品

例如有煙燻朱古力杯

泡泡tiramisu 等等

全部外表都非常有特色

甜品外表要靚固然重要

但味道更為重要

我個人就覺得奶凍唔夠滑

綠茶味亦可以再濃啲

假日嚟多數都係要排隊，

如果係平日去可以係鋪頭入邊慢慢Hea

應該會舒服好多

不過呢間鋪唯一嘅好處就係

除咗甜品以外都有好多其他食物俾你揀

所以就算唔鍾意食甜品都一樣大把選擇

不過食物嘅水準就唔好期望太高la ~~~~~

Heysonuts

Address : 土瓜灣北帝街149號

跟潮流係咪一定好？

分子雪糕真係話要有就有，

依家更加係開到成行成市

今次我去呢間

都係話做分子雪糕

個人覺得分子雪糕最需要嘅就係創意

呢間分子雪糕

真係可以講同Lxx mxxx 有好多相似的地方

同樣都係四隻味，賣嘅味道都竟然有啲相似

一樣有紫米露味，海鹽豆腐味

不過今次我就去試咗伯爵珍珠奶茶味

唯一唔同嘅就係，佢地兼賣

甜品蛋糕同有咖啡飲

兼且有埋位俾你坐等你

可以舒舒服服咁食雪糕

地方同舖面都比較大

其實海鹽豆腐同伯爵珍珠奶茶味

都做得唔錯雪糕質地都幾滑

不過lxx mxxx 最出名就係雪糕入邊

會有好多唔同嘅食材，口感會比較強

呢間就仲未做得到啦

但係呢間嘅分子雪糕相比之下

就冇咁易溶，

唔怕你行到一半就已經溶晒

Ice pop 

地址: 邊寧頓街9至11號登龍閣地下

雞蛋仔的百變樣子

呢個雪糕真係估你唔到

有雞蛋仔又有茶包

不過個茶包其實係用餅乾造成

即係都可以食得既

我叫咗個night wolf 

個雞蛋仔唔係普通雞蛋仔

係brownies 雞蛋仔

配以意大利低脂雪糕，熱情果奶凍

脆脆片，香脆牛油酥，

焦糖香蕉雪糕

個人覺得Brownies雞蛋仔都算幾新鮮

不過低脂雪糕都係朱古力味

所以其實食落都幾溜

價錢＄49一杯材料十足一個人一定食唔晒

反而我ohh tea ! 有啲新鮮感

最鍾意入邊嘅佛手柑伯爵茶奶凍

盛惠＄52

其實呢間鋪有名你叫叫oddies 

所以佢哋嘅產品都充滿懷舊氣息

雞蛋仔都有好多創新口味

例如: 火腿芝士，泡菜年糕，雲尼嗱米飯布甸

真係我都唔係好敢試😂😂

當日去到眼見由收銀，製作，介紹產品

都係有一個女仔一腳踢

所有雞蛋仔都係即叫即做

真係真心要寫個服字！

Oddies 

Address : 灣仔道149號1F地舖

Ban 8 is so cute =]

我介紹下呢個牌子，係韓國好紅

叫ban 8 ，

雖然係香港就未係好多人認識，

但係係韓國就已經係好紅嘅牌子2ne1 ,

鄭容和,IU 同a pink 都有成員用佢架，

係香港真係無地方找到佢😢😢

不過宜家終於都有啦，

係香港有得賣啦😍😍

佢地真係好得意

忍唔住要同大家分享下

我用緊既就係上面幅圖嘅化妝袋

不過因為佢有個手挽位所以我當佢手袋用😂😂😂

Instagram : hanyu_ban 

Facebook: HanYuban8 

四個星期面部繃緊療程 woo hoo !!!

都唔知有幾耐無試過素顏見大家

不過今次真係覺得自己皮膚質素真係稍為有啲改善

今次試咗韓國嘅一個牌子叫Ladamer 

上網睇下先知原來呢個牌子平時係做開大樽裝，唔少做facial嘅地方都會入貨

但係家用裝嘅包裝就比較少見啦

所以今次搵到真係要親身試一試

其實佢係一個四星期嘅面部提升療程

大家睇到張相無以為我要做打針美容

其實佢係一個針筒型包裝嘅面膜

搽完上臉之後會有種繃緊既感覺

不過唔使擔心係正常反應

可能一開始你會覺得有啲難控制

不過慢慢搽下搽下就好易上手啦

我覺得要搽比較厚的成分作用會比較大

當中嘅中藥成分能夠幫助你提升肌膚

唔知大家知唔知道皮膚係大約二十八日為一個週期，所以一盒四set 剛剛好！

而家大家睇到嘅相係我試咗一個星期嘅效果，塗完面膜之後大約等三十分鐘

如果塊面細嘅，仲可以將面膜塗係頸部位置，唔好浪費丫！

三十分鐘之後就可以洗面啦，

洗面一定唔好怕麻煩，

最怕就係洗唔乾淨

洗到所有面膜都沖乾淨之後

就可以用入邊嘅另外一枝膠原蛋白精華素，

一枝可以用啱啱好七日一個星期

之後又可以再用一次針筒型嘅面膜啦

如是者為期四個星期二十八日，

我用咗一個星期，

眼附近嘅皮膚開始繃緊咗

雖然下巴嘅皮膚唔係好覺

但係一自拍，

個下巴出嚟真係有唔同架😂😂😂😂

想睇多啲就要上呢度

http://trillium-hk.com

Finally Jamie's italian

由於本人真係非常討厭排隊，

所以一直都想等比較少人嘅時候先去，

嗰日去嘅時候係平日 lunch time 都係等

大約三至四張枱就有位，

可能因為熱潮已過，所以人數都相對較少。

其實而家去大概三四點嘅時間都已經完全唔使等位，

仲可以舒舒服服咁坐耐啲

去之前其實有好多朋友都同我講，

喂麻麻地咋喎，

不過我又覺得點都應該要去一次

先講下個環境，其實都幾大，

樓底亦好高，而電梯一上到去就有個吧

枱係度，

就黎到你張枱之前就可以先係嗰度

order 嘢飲等下,位置都尚算寬躺

前菜我先叫咗個一人份既meat plank $79

 per person ，有fish , meat 同vegetable 

plank 任你揀，

我建議大家可以每人叫唔同種類，

咁就可以每樣都試少少，

上碟方面亦有心思，

用咗两個罐頭作底上面再放上木版放置前菜。

另外我又叫咗baked chestnut mushroom 

$75 , 個crispy bread 真係剩係得個脆

字，味道亦不見突出。

不過佢地既service 真係超級好，

好到我要特別加分👍👍

Jamie's italian 

地址 : 金朝陽中心midtown 2樓