係世界各地多個地方有分店嘅Angelina終於係香港開幕啦
angelina係巴黎係出名嘅店舖,今次來到香港就選擇左係
IFC嘅連卡佛入邊開舖,不過店舖位置都比較難搵,
所以第一次去到要花少少時間。
下晝時間都有唔少人排隊,我去嘅時候係下晝三點幾,
外面都排左十幾人,而當中有唔少係內地客人。
不過其實如果選擇坐外面露天嘅位置就可以唔使排隊,
開頭都覺得有啲熱不過坐坐吓其實又ok wo ,仲有得望住海景添!
有啲朋友去咗都話俾我知入邊最出名嘅
甜品栗子味le Mont Blanc 到下晝時間就會賣晒,
好彩叫得快轉頭第二枱入嚟就已經賣晒啦!
去到第二樣必點嘅就係佢嘅熱朱古力,
價錢唔算平都要成$88一杯,不過黎到點都要試一次
先講講個熱朱古力,平時飲熱朱古力好多時飲完到會漿住個口,
令到成個囗感覺都好漏,食其他嘢感覺都會係朱古力味,
不過呢個朱古力就真係做到甜而不漏嘅感覺,
其實佢同我哋平時飲嘅熱朱古力口感有啲唔同,佢似比較浠嘅奶昔。
可以隨意加自己想要份量嘅忌廉,飲落囗就會更加香滑。
Le Mont Blanc 個人就覺得比較甜,不過入邊嘅忌廉又真係幾滑幾好味👍
本應聽朋友講想試吓佢個brunch , 不過想試嘅朋友要留意下晝三點前先有架,
去本應都嘗試佢嘅檸檬撻,不過就賣曬,唯有下次啦!
俾個貼士大家,如果想去食又唔想排隊嘅朋友,
可以選擇下晝五點左右嘅時間就冇乜人排隊啦
沒有留言:
張貼留言